DIMAPUR, SEPTEMBER 22 : Poshan din mana hisabte yaat kurikena Deputy Commissioner Dimapur, Sushil Kumar Patel, IAS pora Sorkar kam kura kan, Poshan Abhiyan manabole kura Departments laga ke etu Poshan Abhiyan toh sob manu kan ke punjai debole kuribi. Aro etu etu din toh sob jaka te sob manu kan ke janaide kena etu din laga naam pora ki-ki dedebole ase etu dedebole kuribi koi kena janaise koise.
Tai bi ami kan Sorkar kam kura kan toh etu nesena Poshan Abhiyan toh sob jaka te sob logot kam manaidebole kuribo laga laga kam ase koi kena janaide thakise koise. Aro tai etu kotha kan janaide thaka toh kedia Keynote Address kura time te janaidiya laga ase. Etubi Poshan Abhiyan/National Nutrition Mission nemite bhal pora manabole karne kotha janaidebole meeting mana time te. Aro etu meeting toh District Programme Officer, Social Welfare laga Office, Diphupar Dimapur te 21st September 2018 te mana laga ase koise.
India desh te 39% bacha kan pura kao thik pora nathaka (malnourished) hisabte kotha kurikena etu DC pora ami kan etu bacha kan nemite bhal te sabole nakura dak, kobi bacha kan 8 sal hua kan nemite ami kan sabole kura nai koile etu bacha kan toh kedia bi dangor hua time te bhal te kam julabole nabaribo. Kele etu 8 sal toh bacha kan nemite kao toh dangor hua laga time ase koi kena. Tai bi bacha kan dangor hua laga toh khali bhaat ekela khaa porahi nahui. Huilebi ami kan tai kan (bacha) nemite bhal chis kan kobi toilets, vaccines, infrastructures, nutrition aro tusera kan sob bhal te anedebole kuribo lagi koi kena janaide thakise.
Tai bi kotha kurikena Rural Development Department kan Anganwadi Centres kan kholibole kuribo lagi. Kele etu porahi Rural Development nemite bhal kuride koi kena. Aro tai bi PHE kan pora etu sob Anganwadi Centres te khabole pani kan toh thik pora aro bhal te debole kuribo lagi koi kena janaide thakise.
Etu meeting toh District Programme Officer, Social Welfare, S. Nezolu Rhakho pora ahkete luijai kena manaise koise.
Add Comment