October 16,2020: Manipur’s Thoubal district, te ekta medical thik para kaam nakura case te ekta 17 umar mota kun ke Regional Institute of Medical Sciences (RIMS) doctors para murishe koikena janaishe tai laga funeral naloa akhe te zinda paishe.
Tai laga ghor manu para koikena janaishe ki Heirok Part-II te thaka Elangbam Ningthem laga mota bacha Elangbam Mocha toh Thursday din te jhokom paishe etu bi ekta ghora para laat mara pichede.
Tai ke Community Health Centre (CHC) Heirok te luijaishe etu din te etu bi tai laga peth te jhokom toh biya hoijai nimete.
Tate para tai ke Thoubal district hospital,te luijaishe aro etu pichede RIMS Imphal te luijaishe.
Mocha ke RIMS ICU ward te rakhikena thakishe kuntu te tai Thursday din 10:30 am murishe koikena khobor paishe.
Indian Express para report te koikena janaishe ki RIMS para death certificate diya hisaab te Mocha toh ‘hypovolemic shock’ par a murishe etu bi peth te trauma olaikena.
Newspaper para Mangangca etu mura manu laga ghor manu par kuwa te koishe “Mocha te minor operation loishe etu bi blood clot hatabole nimete ami khan ke blood transfusion nimete arrange kuribole nimete enika samay te doctors para koishe tai murishe koikena.”
Mocha ke etu pichede ghor te luijaishe last rites nimete.aro ghor manu khan baby funeral lobole samay te tai khan etu baby laga body te hila hili kura dikhishe.
Mangangcha koikena janaishe ki tai khan etu mota laga funeral nimete tayari kura samay te tai khan janaishe ki tai laga temperature uthi thaka.
Etu mota laga ghor manu khan para chc laga nurse ekta matishe kun khan para tai laga pulse active paishe.
Etu pichede etu mota ke Thoubal district hospital te luijaishe kuntu para Imphal laga hospitalte luijabole janaishe.
district hospital laga doctor incharge koikena janaishe ki etu patient toh critical condition te anishe tai laga pulse paa pichede bi.
Doctor koikena janaishe ki “etu patient toh critical condition te thakishe hoilebi murikena thakanai tai laga pulse, blood pressure aro reflexes te kaam kuri thakishe.”hoilebi etu miota bacha toh behoos thakishe aro elach te respond kuribole paranai.”
Doctor koikena janaishe ki”district hospital te ICU laga facility nathaka nimete ami khan para tai ke Imphal te refer kurishe.”Imphal hospital te tai toh murishe koikena janaishe.
