Donald Trump para 3 din pithor te 14 rallies thakibo

October 31, 2020. Tuesday din presidential election samai, US President Donald Trump para 14 rallies thakibo ase aro voters khan logot tai ke tuita term nemite juniboli koboli ase koishe. Friday din laga statement te, President re-election campaign samai, Trump para Pennsylvania te 4 rallies thakishe, etu chaka toh tangor larai kora desh ase, Saturday din thakishe, koikena Hill news website para khobor janaishe. 2016 saal presidential election te Trump para Pennsylvania te 48.18 per cent votes para jetishe. Hoilebi, etai election hesab te President toh Democratic Joe Biden laga beche te ase. Thursday din notun Hill/Harris poll thika te Biden para Trump logot 51 per cent aro 46 per cent para oper te ase. Campaign te aro kowa toh President para aro 5 rallies Michigan, Iowa, North Carolina, Georgia aro Florida te Sunday din loboli ase koishe. Election din agae te Trump para aro 5 rallies Monday din North Carolina, Pennsylvania aro Wisconsin te thakibo. Khobor junai deya hesab te, President para final campaign toh Grand Rapids, Michgan te lobo aro etu city toh 2016 saal te be tai para last rally korishe, koikena Hill news para khobor toh janai thishe. Friday din te reporters khan logot koishe ke, Election din te Trump toh perai thakibo. “ami para jawab toh tui din thaka beche janai thibo’ koishe.