November 20,2020: ULFA (Independent) khan Friday te nutun commander western command laga chuna te khobor janaishe kuntu toh drishti Rajkhowa surrender kura pichede khali thakishe.
Friday din te ULFA (I) commander-in-chief Paresh Baruah (Asom) para press release te koikena janaishe ki etu self-styled Major Jishnu Asom ke western command laga commanding nimete responsibility dishe.
Aro Paresh Baruah khobor dikena janaishe ki Jishnu Asom ke western command laga commanding nimete responsibility dishe hoilebi tai ke etu nutun commander laga khobor okobi dianai.
Security agencies khan counter-insurgency operations assam te kura khuan etu antecedents khan Jiishnu Asom laga najanikena thakishe.
Hoilebi etu te janikena ase ki Jishnu asom toh drishti rajkhowa laga stature te nohoi kuntu toh ekta Central Committee member etu banned outfit laga.
Drishti Rajkhowa toh Bangladesh laga hideout Garo hills Meghalaya para kaam kuri thakishe.
ULFA (I) deputy commander-in-chief Drishti Rajkhowa alias Manoj Rabha toh November 11 Meghalaya te surrender kurishe.
Etia Drishti Rajkhowa toh 109 battalion ULFA laga commander thakishe aro tai ke 2011 te deputy commander-in-chief nimete promote kurishe.
Drishti Rajkhowa’s surrender huwa toh ekta dangor blow thakishe etu separatist outfit nimete kun khan sovereign homeland nimete ladai kuri thakishe.
