Kabul: November 25, 2020. Tuesday din central Afghanistan laga Bamiyan city te tuita(2) bomb blast te komti hoilebi 14 manuh morishe, etu jaga toh Shiite Hazara ethnic minority manuh khan thaka ase, khobor toh officials para janai thishe. “tuita(2) bomb bast te 14 manuh morishe aro 45 jun jokom paishe,” koikena Bamiyan police chief Zabardast Safi para AFP logot koishe, etu oper te manuh morai pithor te police be 1 jun samil ase. Bomb toh alag-alag tuita (2) jaga te raki-kena thakishe, Bamiyan police spokesman Reza Yosufi para janaishe. Interior ministry spokesman Tariq Arian para mora aro jokom manuh khobor thishe. “ami khan Bamiyan te bomb blast howa toh investigate kori ase”, tai koishe. “etu maaf nakoriboli laga beya kam ase.” Kaun group para be blast laga nam lowa nai, etu oper te Taliban khan para be nam lowa nai. 2001 saal te, Bamiyan city te besi saal para thaka Buddha statues toh Taliban khan para orai-thishe. Afghanistan laga pura desh te larai toh narokina besi larai kori ase. Bamiyan toh tourist nemite besi bhal ase, etu jaga te purana caves housing temples, monasteries aro Buddhist paintings khan besi ase koishe.Etu jaga toh Hazara manuh khan laga ghor ase. Shiite minority khan logot pithor manuh neshina Islamic State group para besi hamla kori thaki aro etu oper te Taliban para be 1990 saal samai besi larai korikena ase.Cities neshina Kabul, Hazaras te besi paar hamla hoikena ase, etu oper te Capital te din samai hospital laga maternity ward te hamla kora tea ma khan besi morishe
Afghanistan: Tuita(2) Blasts te 14 manuh morishe
