Aizawl: Mizoram Assembly Speaker Lalrinliana Sailo para Friday te Opposition leader Lalduhoma ke State Legislative Assembly laga member para hataidishe.
Lalduhoma,kun para last Mizoram Assembly polls independent candidate hoikena contest kurishe Assembly Speaker para anti defection law bithor te hataidishe.
Assembly speaker para etu action luwa toh Lalduhoma kun para Serchhip Assembly seat, jitishe etu bi newly-floated Zoram People’s Movement (ZPM) jaa nimete action loishe.
Komti hoilebi sob milaikena 12 ruling Mizo National Front (MNF) legislators khan september moina te petitions khan dishe speaker ke aro lalduhoma ke hatabole koikena janaishe etu bi desh laga constitution ke violate kura nimete.
Ruling MLAs khan tai khan laga petition te koikena janaishe ki Lalduhoma kun para independent candidate hoikena jitishe 2018 Mizoram Assembly elections te para 2 (2) 10th schedule Indian constitution laga violate kurishe etu bi Zoram People’s Movement (ZPM) party te jaa nimete.
Tai khan aro bi koikena janaishe ki Lalduhoma toh ZPM party activities te thakishe etu bi party office te jaikena aro nutun members khan anishe etu party te etu bi aizawl aro dusra jaka khan te function te ahikena kuntu petitioners hisaab te ZPM te jaa dikhaishe.
State assembly para etu 71 umar Lalduhoma ke show cause notice September 24 te dishe aro tai ke explaination mangishe tai ke kile nahatabole lageh koikena hudishe.
Tai laga jawab te October 8 te lalduhoma para koikena janaishe tai toh dusra party te jaanai aro tai 2017 te ZPM ola pichede tai milikena thakishe.
Lalduhoma para koikena janaishe ki ZPM toh dusra minor parties khan para bonaishe etu te Zoram Nationalist Party (ZNP), ekta registered state party kuntu te tai poila thakishe.
Lalduhoma hisaab te dusra 37 candidates logote tai ke ZPM laga official candidate bonaishe 2018 Assembly polls te.
