AIZAWL: Mizoram te chirstmas aro New Year celebration toh eman dangor nathakibo etu te government para etia jai thaka lockdown toh “Covid-19 No Tolerance Drive” aha sal January 10 tak uthaidishe etu bi covid 19 beemar toh phelinadibole nimete thakishe.
Government para social nohoile public gathering khan n government function khan charikena Christmas aro New Year samay te bondh kurishe.
Night curfew toh sob district headquarters te 8 pm para 4:30 am tak thakibo.etu drive toh October 16 te shuru kurishe etu bi state te covid 19 cases khan utha nimete etu toh November 30 te hatabole thakishe.
Friday din government para order diya te koikena janaishe covid 19 positive cases paa laga rates toh aro local transmission toh namijaishe ekta drive nimete.
Hoilebi Lengpui airport inter state border logote toh khulibole thaka toh gaari khan commodities aro passengers thurikena thaka samay te.
Sob dukaan khan toh December 1 para khulibole ase.etia state education minister, Lalchandama Raltem para koikena janaishe schools khan nimete kindergarten nohoile standard I nohoile toh standard XII December tak bondh kuribo covid19 toh thanda samay te bondh kuribole nimete.
Etu te schools khan aha sal January 15 para khulibole ase aro final call toh state te covid 19 scenario dikha pichede.
Government khan manishe syllabus khan komti kuribole sob classes nimete 30 per cent para aro Mizoram Board of School Education (MBSE) khan ke koishe ekta model sample questions X and XII standard students, nimete bonabole nimete kun khan aha sal board exams dibole thaka toh.
State Council of Educational Research and Training (SCERT) and MBSE khan ke hokum dishe school students nimete bridge course bonabole nimete.
Hoilebi online classes tohu December 18 tak chulibo etia sal nimete aro from January 5 to 14 aha sal tak.
