November 30, 2020. Moderna para tai khan laga coronavirus vaccine nemite US aro European emergency regulatory manibole roki ase koishe. Regulators para mRNA vaccine toh trial data toh saikena fesla thiboli koishe. Clinical studies para vaccine toh 94% bhal ase aro manuh khan ke Covid-19 bemar holiboli pachai koishe. Pfizer logot be etu eke result toh ase aro tai khan toh US approval nemite filed korikena ase. UK regulators para Pfizer vaccine laga data toh sai ase aro dosura Covid vaccine AstraZenca aro Oxford Universities emergency approval rokiase. Moderna para koishe ke, UK approval toh jolti pabo ase aro etai 30,000 volunteers logot trial data loikena ase aro etu oper te pura manuh logot be kam toh bhal khobor ase koishe. Etu study samai, 15,000 manuh logot real vaccine thishe aro dosura manuh khan logot placebo injections thishe, etu samai eku serious side effects thaka nai. Studies kora samai, 185 manuh placebo lowa manuh khan Covid-19 bemar hoishe. Full trial data toh aro release kowa nai hoilebi, khobo jolti te olai thibo koishe. AstraZeneca vaccibne toh sosta ase aro ekta tawai te £3 ($4) nehina thakibo hoilebi, Pfizer vaccine toh £15 ($20) aro Moderna laga £25 ($33) ase. Aro etu oper te vaccine toh supply koriboli be sosta ase keli koile ultra-low temperatures te rakiboli kam nai koishe. Trials samai 62% para 90% khobor bhal paishe, Pfizer aro Moderna vaccines logot olop para komti wala ase. UK para tinta(3) vaccine toh pre-order korikena ase- 7m Moderna jab, 40m Pfizer/BioNTech aro 100m AstraZeneca Oxford vaccine ase koishe. Dr Alexander Edwards, University of Reading te biomedical technology, associate professor para koishe ke, “etu khobor toh besi bhal ase, keman tangor trial data hobo eman mon tangor hoikena Covid-19 vaccine dham toh manuh para lobo paribo.
Add Comment