NEW DELHI: All India Congress Committee (AICC) para All India United Democratic Front (AIUDF) logote milibole nimete Assam Assembly polls karne final call lobole ase.
Congress leader Rahul Gandhi para etu toh assam laga party leadership ke koikena janaishe.
Congress laga top brass khan Monday te assam congress leaders khan logote via video-link, para loihe etu toh ekta exercise thakishe.
Etu meeting Gandhi para luwa te AICC general secretaries Randeep Singh Surjewala, Mukul Wasnik, Ambika Soni, KC Venugopal, Assam in-charge Jitendra Singh aro dusra senior leaders khan thakishe.
Etu meeting te Assam Congress president Ripun Bora, Leader of Opposition Debabrata Saikia, Rakibul Hussain, Mahila Congress president Sushmita Dev, MPs Gaurav Gogoi, Pradyut Bordoloi and Abdul Khaleque, and AICC secretaries Rana Goswami and Bhupen Bora khan bi thakishe.
Sources kuwa hisaab te Bora para party central leaders khan ke khobor dishe ki tai khan manishe AIUDF logote milibole nimete.
Tai para party high command ke koikena janaishe ki etu mila laga decision toh joldi lobole nimete.
Hoilebi Gandhi para tai ke koikena janaishe ki AICC khan para etu alliance nimete call lobo thik samay te kile koile etu te bishi time ase assam laga assembly election nimete.
Assam Tribune report hisaab te Bor para modot mangishe funds nimete election karne etu te central leadership para koikena janaishe ki AICC para etu nimete arrange kuribo dusra BJP-ruled states khan nishena.
Tai para aro bi koikena janaishe ki etu sitting MLA ke preference dibole nimete party tickets laga allocation samay te.
Sources para koikena janaishe ki Venugopal, para etia koi kena janaishe ki AICC toh khushi napaikena ase ki state party leadership khan kunba MLAs khan logote reign kuribole napara nimete.
Gandhi para aro bi Assam Congress leaders khan ke koikena janaishe hosiyar thakibole nimete media logote kotha kura samay te.
Tai para koikena janaishe ki Etu party toh media chulabole lageh dusra nimete nohoikena.
Sources para koikena janaishe ki Gandhi para kunba fiasco uporte kotha kurishe Assam Congress leaders laga media statement nimete aro Bora ke koikena janaishe media te enika nakuribole nimete tai laga party manu khan para.
