DIBRUGARH:Jokai Bon Koiborta Gaon upper Assam’s Dibrugarh district te thaka bosti khan etia 70 sal thaka toh etia bosti manu khan ke myadi land pattas khan napaikena ase.
Wednesday te bosti manu khan para Assam chief minister Sarbananda Sonowal ke memorandum diseh etu bi tai khan mati laga against te Myadi land pattas dibole nimete.
Madhab Krishna Das Jokai Bon Koibortta Gaon te thaka manu para koikena janaishe “1950 te dangor earthquake aha pichede Khowang laga manu khan ke jaka dishe forest area te thakibole nimete etu Jokai Bon Koibortta Gaon te etu para 9 ghoria, 10 ghoria, 26 ghoria and 27 ghoria khan ami khan laga livelihood nimete.”
Das para koikena janaishe “etu pichede ami khan etu bosti te bui thakishe hoilebi ami khan ke myadi pattas khan nadikena ase.ami khan toh assam laga indegenious manu khan se hoilebi ami khan logote Miyadi pattas khan nai.”
Tai para aro bi koikena janaishe”olop akhe te ami khan toh 72 families khan thakishe hoilebi etia komti hoilebi 200 families khan etu bosti te bui ase myadi pattas nathakikena.etu nimete government khan ke koikena janaa se myadi land pattas logote allot kuribo0le nimete kile koile toh ami khan dikdaar pai ase.”
Etu te Jokai bosti te thaka manu agriculture aro fishing te milikena ase.hoilebi das para koikena janaishe tai khan alag alag documents khan dishe district administration khan ke tai khan laga bosti ke allot kuribole nimete Myadi patta land nishena hoilebi tai khan laga pleas toh mananai.
Das para koikena janaishe ki”district administration khan para tai khan ke koikena janaishe etu toh revenue bosti nohoi ami khan para electricity bill di ase hoilebi etia tak ami khan laga bosti ke myadi pattas khan diyanai.ami khan bank loans nimete apply kuribole napareh kile koile toh ami khan laga mati toh myadi patta land nohoi.”
Das para koikena janaishe”ami khan ke government schemes khan diyanai etu nimete ami khan modot paishe government para kile koile toh ami khan kheti kura manu ase aro dusra schemes khan paanai.”
Assam government para olop akhe te land pattas khan state laga 55,661 indigenous manu khan ke dishe.
March tak komti hoilebi 45,141 land pattas khan dikena ase.
