SHILLONG: Coordination Committee of Registered MeECL Employees Associations and Unions (CCORMAU) para koikena janaishe ki Meghalaya Energy Corporation Limited (MeECL) te kaam kura manu khan salaries napaa nimete protest kuribo.
CCORMAU khan para ekta meeting Friday din shillong te luwa te manishe etu agitational programme toh December 15 para shuru kuribole nimete.
MeECL employees khan December 15 te pen down strike kuribole ase. MeECL employees laga salaries toh dui moina para rukhaidikena ase.
December 16 and 17, te CCORMAU laga executive committee members khan para hunger strike kuribo.
December 21 te employees khan para sob maintainance kaam khan office samay te 10 am para 4 pm tak bondh kuribo.
January 12 te non-factory workers khan mass casual leave thakibo aro state secretariat te jabo tai khan laga demand logote.
January 18 te employees organisation khan para total non-cooperation movement etu te sob peon para chief engineer tak thakibo.
Etu te service toh pura puri bondh thakibo aro non cooperation toh January 22 para thakibo salaries khan etu samay tak dianai koile toh.
Tai khan aro bi proposed outsourcing of services debt-ridden public sector company para private players ke diya toh khilaaf kurishe.
