GUWAHATI: Bharatiya Janata Party (BJP), kun para Bodoland Territorial Council (BTC) polls te nouta seats jitishe tai khan United People’s Party Liberal (UPPL) logote milibole nishena ase council bonabole nimete.
Etu te kun party bi halfway mark napuncha nimete BTC te akhe bar coalition rule thakibo.
Pramod Boro-led UPPL para 12 seats paishe aro Bodoland Peoples’ Front (BPF) para 17 seats paishe.
BJP insiders kuwa hisaab te etu saffron party para ally Hagrama Mohilary-led BPF ke backed kuribole nishena nohoi kun khan single largest party hoishe council bonabole nimete.
UPPL chief Pramod Boro para Assam finance minister Himanta Biswa Sarma ke tai laga Dispur residence te Saturday rati te lok kurishe.
Assam BJP president Ranjeet Das and Lok Sabha MP and party national general secretary Dilip bi etu meeting te thakishe.
Etia Kokrajhar MP Naba Sarnia, kun laga Gana Suraksha Party (GSP) party para khali ekta seat jitishe Boro logote jaishe minister sarma logote lok kura samay te.
BJP sources para koikena janaishe final call post poll alliance nimete party top brass para lobo.
Minister sarma para Sunday phujur te koikena janaishe party khan tai khan laga stand te clear kuribo UPPL logote milibole thaka toh 9:30 am tak.
Tai para aro bi khobor dishe ki BPF chief Mahilarly para juwa rati tai ke call kurishe.sarma para hoilebi kuwanai BPF logote milibole nimete.
BJP general secretary Dilip Saikia para kotha kuri ase BJP khan UPPL logote kotha kuri ase aha BTC council bonabole nimete.
Saikia para koikena janaishe”BTR laga manu khan bodli lagi thakishe BTR rle te aro tai khan mandate toh etu te dikhaishe.”
Sources para koikena janaishe UPPL leaders khan BJP leaders logote Sunday phujur te city’s Lily Hotel te kotha kuribo.
