GUWAHATI: North East Students’ Organisation (NESO) para government ke koikena janaishe National Register of Citizens (NRC) bonabole nimete sob northeastern states khan te etu region te manu khan illegally buwa khan ke janibole nimete.
NESO chairman Samuel Jyrwa para koikena janaishe bi sal para centre te government khan etu illegal migrants laga problem logote deal kuribole paranai.
Jyrwa para koikena janaishe”etu nimete Northeast laga indegienious manu khan identity nimete dukh pai ase.”
NESO toh ekta ekta umbrella organisation ase northeast laga students bodies khan nimete.tai para koishe etia house nimete lagi thaka northeast laga sob states nimete NRC bonabole nimete ase.
NESO khan para aro bi Inner Line Permit (ILP) system toh region laga sob states nimete mangi thakishe indigenus manu khan laga interest bachabole nimete.
Jyrwa para koikena janaishe NESO toh Citizenship (Amendment) Act, 2019 laga khilaaf ase.
Tai para koikena janaishe steps khan noloikena foreigners khan laga infiltration nimete Inia laga government khan CAA anishe kuntu toh ekta dikdaar thakishe region laga indigenous manu khan nimete.
NESO khan black day manishe sob region te December 11 para CAA laga khilaaf protest kuribole nimete.
Jyrwa koikena janaishe NESO laga constituent organisations khan states khan te CAA laga khilaaf protest kuri ase.
Tai koikena janaise aha sal NESO khan lok kuribo strategy olabole nimete region-wide protests kuribole nimete CAA laga khilaaf te.
NESO chairman para koikena janaishe ki centre khan northeast manu khan laga bhabona ke saaman dibole lageh aro etu CAA toh hatabole lageh.
Assam Tribune para Jyrwa kuwa te koikena janaishe ki”NESO toh etu act toh khilaaf thakishe 2016 para etu bill toh akhe shuru kura pichede aro etu toh chuli thakibo act laga khilaaf etu toh nahataidiya tak.”
