Britain: 1 din te 53,135 notun COVID-19 Cases khobor

London: Tuesday din Britain te 1 din pithor te sobse bebsi notun coronavirus cases paishe. Chile aro India te be notun bemari toh besi phile ase, etu pithor te desh alag-alag te vaccination campaigns soruh hoishe. Duniyaa laga desh te bemari cases toh 81 million oper hoishe aro 1.78 million oper manuh morikena ase. EU health agency ECDC para Tuesday din te warned kora te koishe, notun Covid-19 bemari toh besi risk ase, etu para manuh mori thaka toh aro besi pheli-kena jabo. South Africa te notun bemari toh 300 oper cases paikena ase aro Tuesday din te notun hoshari kam lakaina ase. Government para modu bekai thaka toh banned korishe aro public te mask lakaboli compulsory hoishe. Africa desh te 1 million cases poncha toh etu desh first ase. “ami khan hoshari kam komjur nemite itya duhk paiase”, koikena President Cyril Ramaphosa para koishe, aro notun bemari toh “chute din te hoshari kam nathaka nemite ase”. Tuesday din Latin America desh pithor Chile te notun bemari toh first thurishe aro etu Britain te ola ase, ek jun maiki manuh Madrid te Britain aro Dubai jaikena aha logot paishe. Health authorities para junaishe ke, December 31 darik para Chile te aha manuh khan toh 10 din quarantine te thakiboli koishe. United Arab Emirates para koishe, tai khan laga desh te be notun bemari  toh ahishe, government spokesman para kowa toh “limited cases” ase. Duniyaa te India toh second besi cases te ase aro notun coronavirus bemari toh paishe, hoilebi officials para bemari nemite te guidelines toh putli nakorinaase. Tuesday din Britain government toh pressure te hoshari neum toh othaishe aro tai khan desh te 24 gonda pithor te 53,135 notun bemari cases paishe. Health chiefs khan para warn kora te England te coronavirus toh soku osor te ahishe, hospital te bemari manuh khan toh April moina logot be besi hoikena ase.