Pakistan: UK para aha 3 jun ke COVID-19 positive paishe

December 30, 2020. Pakistan te United Kingdom para aha manuh logot notun coronavirus paishe. Britain para Sindh te olop din akhe te passengers tin jun laga samples te thurishe. Sindh Health Department para 12 jun UK para aha laga samples test kora te 6 jun manuh laga samples toh Covid-19 positive thakishe koikena Geo News para khobor toh janaishe. “tin(3) manuh logot first phase te notun COVID-19 bemari toh paishe”, department para statement te koishe. Statement para aro koishe, genotyping para thika hesab te notun bemari toh 95 per cent melishe, etu pithor te 70 per cent toh manuh logot lakiboli neshina ase. Authorities khan para bemari manuh logot contact tracing korikena tai khan ke isolation te rakikena ase koishe. “etu samples toh genotyping second round jaboli ase” koikena Department spokesperson Meeran Yousuf para Geo News logot khobor toh janaishe. Tuesday din dak Pakistan te coronavirus bemari cases toh 475,085 ase aro 9,992 manuh morikena ase koishe.