Kamala Harris ke Coronavirus Vaccine dishe

Washington: Tuesday din United States Vice President-elect Kamala Harris ke Covid vaccine deya television te live thikaishe. Public khan ke besas thakiboli koishe. Harris toh mask lakaikena United Medical Center, Washington, DC osor te tuita(2) shots pithor te first shot toh loishe. Etu jaga toh African-American manuh besi thaka jaga ase. Covid-19 bemari para duniyaa pura te African-American manuh besi morikena ase etu nemite polls para kowa toh tai khan logot vaccine paboli ase. “ami manuh khan ke koboli mon thaka toh sob manuh vaccine toh lobo aro vaccine toh kaut bapo janikena thakibo,’ koikena tai US firm Moderna para bona vaccine lowa beche tai para manuh khan logot janaishe”. Harris para January 20 darik te office lowa beche, tai toh first Black aro Indian-American vice president ase aro etu kam koriboli first maiki manuh thakibo. Tai laga mota Doug Emhoff logot be vaccine toh dishe. President-elect Joe Biden logot be December 21 darik te vaccine lowa samai television te thikaishe. Jai jaa President Donald Trump toh October moina te virus nemite hospitalized hoikena thakishe, tai vaccine lowa laga khobor eku nai. Trump para besi paar etu kathara virus logot thamali korikena ase, tai para desh pura virus pheli thaka samai business aro schools koliboli thikena ase. United States te 19.3 million cases registered hoikena ase aro etu oper te virus para 335,000 manuh morikena ase. Duniyaa te bemari aro manuh mora sobse besi hoikena ase. Etu cases khobor toh Johns Hopkins University hesab te janaishe.