January 3, 2021. Pakistan laga Imran Khan-led government toh 11-party PDM opposition alliance para demand kora neshina January 31 te resign nakoribo, koikena Saturday din Foreign Minister Shah Mahmood Qureshi para janai thishe. Qureshi para etu khobor toh Geo News logot kotha kora samai koishe. Pakistan Democratic Movement (PDM) para anti-government campaign samai junaishe aro Prime Minister logot January 31 darik akhe te lamiboli koikena thakishe. “Prime Minister Imran Khan toh National Assembly logot melikena aram para bohi ase. Tai ke keli Opposition khan para resign koriboli koi ase?. Foreign Minister para hotishe. Tai aro koishe, PDM para olop din akhe provincial assemblies te December 31, 2020 te resign koriboli junaikena thakishe, hoilebi etu darik toh jaishe. “public laga bapana toh Opposition laga agenda aro ‘jalsas’ (rallies) toh takot nai”, koikena Qureshi para Geo News te janaishe. Jaa hafta, Pakistan Peoples Party chief Bilawal Bhutto-Zardari para jodi Khan toh January 31 daril dak te resign kora nai koile Islamabad dak te lamba march jaboli thamki thishe aro kotha koriboli samai nai koishe. PDM toh Prime Minister Khan’s government tangor dushman hoishe aro tai khan laga sobse tangor kam toh political leaders oper te corruption cases kelaf kori ase. Khan para olop din akhe statement te koishe, opposition parties keman takot thakilebi desh laga manuh nemite ketai be beche nakoriboli koishe.
