Washington: Veteran talk show host Larry King toh COVID-19 bemari nemite hospitalized hoikena ase koikena Saturday din media para junaishe. Tai laga ghor manuh khan para CNN logot koishe, network laga sobse tangor stars King toh Cedars Sinai Medical Center, Los Angeles te ek hafta oper neshina hospitalized hoikena ase. King, 87 umer toh type 2 diabetes bemar be ase aro besi lamba bemar howa kisa be ase, etu oper te heart attack, lung cancer aro angina bemari toh mon te goon komti hoikena ase koishe. US television te legendary host ke besi bhal para janikena ase. Tai TV te shirtsleeves, multi-colored ties, suspenders aro tangor glasses lakina olaishe. Tai laga interviewees list toh 1974 sal para US president khan logot loikena ahishe, etu oper te duniyaa laga leaders neshina Yasser Arafat aro Vladimir Putin aro celebrities neshina Frank Sinatra, Marlon Brando aro Barbra Streisand logot be melikena ase. King para CNN’s “Larry King Live” te 25 sal neshina korikena aha te 2010 te tai retire hoishe. Etu beche tai para nejor website te interviews loi thakishe aro 2012 sal te tai “Larry King Now” Ora TV te olaishe. 2013 sal te tai para show ekta called “Politicking with Larry King” koikena Ora TV te olai thakishe.
