Indian Republic din te Bangladesh Army samil koribo

January 5, 2021. India para 1971 sal te Pakistan logot jetikena 50^th sal celebrations koriboli thaka samai te Bangladesh Army khan January 26 Republic din parade te part loboli ase aro etu Raj Path, New Delhi te thakiboli ase koishe. India aro Bangladesh khan Pakistan para alag hoikena 50 sal pongcha nemite maniboli ase. Sob melaikena 96 Bangladesh army khan Raj Path te BD-08 rifles thurikena march koribo koishe. 2016 sal te 130 French Army khan first time nemite Republic Day parade te part loikena ase. 1971 sal te Bangladesh khan sobse jolti military campaign kora toh Indian Army history te ase aro etu erstwhile East Pakistan te Pakistan kelaaf te korishe. Pakistan Army laga 90 thousand sepai khan General AA Khan Niazi para loikena Indian Army logot larai harikena surrendered korishe. Dosura kotha te, notun coronavirus bemari thaka nemite Centre para COVID-19 hoshari hokom toh puila logot besi kara hoikena Republic Day din toh maniboli ase koishe. Republic Day parade nemite visitors aro invitees khan toh manuh besi nathakibo aro COVID-19 hoshari neum toh besi kara jolabo koishe. Etu din te saboli manuh khan toh 25,000 para besi narakibo koishe.