April 2, 2021. CBSE para Class 10 aro 12 students nemite coronavirus bemari thaka khan ke practical examinations toh aro ek paar loboli fesla korishe. Class 10 aro 12 students kaun khan Covid-19 bemar hoikena practical examination thiboli parai nai, etu students khab ke June 11 darik akhe te aro ek paar chance thiboli ase, koikena Thursday din CBSE para khobor toh junaishe. CBSE para schools logot COVID-19 positive candidates nemite aro practical exams toh thik samai ekta te exam thakiboli koishe. “jodi candidate khan COVID positive bemar nahoile tai khan laga family member logot positive test thakina practical exam te absent hoikena thakile, schools para aro practical examination toh etu candidates khan nemite regional authority logot kotha koikena June 11 darik akhe te aro exam lobi,” koikena CBSE laga Exam Controller, Sanyam Bhardwaj para janaishe. Etu tuita(2) classes nemite board exam toh May-June moina te loboli ase aro etu samai practical examinations toh March-April te loboli ase koishe.
