Assam: Mumbai, Bengaluru passengers negative report lakibo

April 5, 2021. India laga besi states te COVID-19 cases othi-thaka nemite , Assam government para Assam te Mumbai aro Bengaluru air passengers aha khan logot RT-PCR negative reports mandatory thikabo lage koikena janaishe. Hoilebi, etu hokom toh April 9, 2021 din para soruh hoboli koishe. Assam government laga health department te principal secretary para etu hokom oper te neum toh janai thishe. “Mumbai aro Bengaluru laga air passengers khan Assam te aha samai negative RT-PCR report toh thakiboli mandatory ase aro etu report toh journey samai 72 gonda pithor te lowa laga hoboli lage,” koikena order para janaishe. Etu test report toh QR code para verifiable hoboli lage, tai para aro koishe. Airlines para Mumbai aro Bengaluru passengers khan negative RT-PCR test report thaka khan ke peraboli thibo, koikena health department laga order hesab te janaishe. “Mumbai aro Bengaluru passenger kaun khan logot RT-PCR test report toh thik nathakibo, tai khan toh airport pithor te njor poisa para COVID-19 testing loikena result napa dak rokiboli lage,” koikena order para aro janaishe. Jodi COVID19 test result toh positive thurishe koile, passenger khan ke for home isolation nahoile hospital te lui-jaikena , hokom hesab te elag koribo. Etu hokom toh April 9, 2021 darik para soruh koribo, koikena health department laga principal secretary para junaishe. Dosura hokom ekta te, Assam government laga health department te principal secretary para koishe ke, department’s order No HLB 174/2020/31, dated April 3, 2021, “Assam airport te RT-PCR test nemite maximum rate toh sob melaikena Rs 500/- thakibo. “etu order toh jodi para soruh hoboli ase,” koikena principal secretary to health para janaishe.