Mumbai: Tuesday din CBI team Mumbai ponchikena Maharashtra home minister Anil Deshmukh logot preliminary enquiry soruh koribo. Olop din akhe Bombay High Court para agency logot tai oper te corruption saboli kowa nemite tai resign korishe. Purana Mumbai Police commissioner Param Bir Singh para tai kelaff te case korishe. Etu neshina case te toh agency khan para formal oder aro legal khobor napa dak roki thaki, hoilebi etu neshina case toh high court para 15 din pithor te preliminary enquiry koribo nemite hokom deya para CBI khan jolti te kam soruh kori ase, koikena officials para janaishe. CBI team para lawyers hath te order toh othabo aro complaint logot dosura documents toh loikena kam soruh koribo, tai khan para koishe. Monday din bench ekta, Chief Justice Dipankar Datta aro Justice G S Kulkarni para loikena koishe ke, etu toh “besi alak” aro “bapana” nathaka laga independent inquiry warranted ase. 52-page judgement te, bench para koishe, Mr Singh para Mr Deshmukh kelaaf te tai para manuh khan ke state police besas komti korishe. Etu neshina kotha ekta police officer para state home minister kelaaf kora toh saboli laki, aro etu ami khan para saboli ase, koikena HC para janaishe. Court para koishe, itya laga case te independent agency para saboli toh echa ase keli koile, “public confidence aro citizens laga Fundamental Rights toh pachabo nemite”. High Court para fesla toh tinta(3) public interest litigations (PILs) aro criminal writ petition filed toh jowa moina junaikena ase, aro CBI khan ke etu kam toh saboli koikena ase. Ekta PILs toh Mr Singh para filed korishe aro dosura tuita(2) toh lawyer Ghanshyam Upadhyay aro local teacher Mohan Bhide para filed korishe. Criminal writ petition toh city-based lawyer Jayshree Patil para filed korikena ase. Mr Patil laga kotha hesab te High Court para CBI logot inquiry koriboli order thishe. March 25 darik te Mr Singh para filed kora hesab te Mr Deshmukh logot CBI order korishe, tai para police officer aro suspended cop Sachin Waze logot bars aro restaurants te 100 crore mangkiboli koikena thakishe.
CBI Team para Anil Deshmukh ke sawal koribo
