Mizoram MP para Pakistan Hindu refugees lok paishe

April 6, 2021. Jowa Saturday din te Mizoram Rajya Sabha member K.Vanlalvena para North Delhi, Yamuna river osor Jahangirpuri colony te Pakistan Hindu refugees visit korishe, koikena Monday din te official statement para khobor toh junaishe. MP para refugees leaders khan logot manuh thaki-thaka halat oper te kotha korishe. MP ke toh NE Region laga Special Police Force para loikena jaishe, statement para koishe. 9 saal akhe te, besi tangor Hindu families para tai khan laga desh jarikena India te jaishe, tai khan laga bapana te notun ghor te aram para thakibo nemite jowa ase koishe. Government of India para 4 acres neshina mathi thishe aro itya 170 families neshina oper te 1,500 manuh khan etu jaga te besi saal para bohi ase koishe. Etu manuh khan laga dukh toh honishe aro janikena, Vanlalvena para tai manuh khan laga dukh toh Union Home Minister logot janai-thiboli koishe. Jowa moina, Vanlalvena para Centre logot koishe ke, Mizoram te Myanmar nationals khan logot political asylum thiboli janaikena ase. Tai para aro Centre logot Myanmar manuh nemite policy toh putli koriboli koishe. MP para aro kowa toh, Myanmar manuh besi jun humanitarian crisis nemite tai khan laga desh jarikena Mizoram te ahikena ase.