Bengal Assembly election: 4 jun morishe

April 12, 2021. West Bengal Assembly elections laga 4^th phase samai Cooch Behar district te CISF para goole mara te komti hoilebi 4 jun manuh morishe, etu incident toh vote deya samai jamila olaishe, koikena Times now para khobor toh janaishe. “Central forces khan para tui(2) paar goole marishe.  Mathabhanga (Cooch Behar) Block 1 te ek jun manuh morishe aro tin(3) jun jokom paishe, Sitalkuchi block te tin(3) jun morishe aro ek jun jokom. Central Forces khan toh manuh logot kam bhal kora nahoi aro tai khan para limit oper jaishe,” koikena TMC manuh Dola Sen para koishe. West Bengal elections laga 4^th phase te polling toh thakishe, etu samai high-profile candidates khan pithor te Union Minister Babul Supriyo aro West Bengal ministers Partha Chatterjee aro Arup Biswas election te larai korishe aro kaun kamyaab bapoli ase olop din beche janibo koishe. Etu phase te, North Bengal te Cooch Behar aro Alipurduar districts te 44 seats ase, south te 24 Parganas, state laga south jaga Howrah aro Hoogly te kelishe. Howrah te polling toh 9 assembly constituencies te thakibo, South 24 Parganas te 11 ase, Alipurduar te 5, Coochbehar te 9 aro Hooghly te 10 thakibo koishe.