Tripura te TIPRA Motha supporter moraishe

April 13, 2021. West Tripura laga Jarulbachai district te TIPRA Motha supporter ek jun morishe koishe. Etu mora manuh toh Bishwa Lakshmi Debbarma ase aro tai toh Jarulbachai osor Trish Chandra Para jaga te laga manuh thakishe. Etu maiki laga body toh tai ghor osor garden te thakishe. Locals khan para koishe ke, tai toh TIPRA Motha supporters thakishe aro tai ke politically nemite moraishe. West Tripura laga Superintendent of police, Manik Das para koishe, tui(2) families pithor te political jamila thaka nemite tai ke morai thishe. Police laga khobor hesab te, mora maiki laga motha Kamal Debbarma aro Sanjoy Debbarma pithor te politics nemite larai kora beche ase koishe. Etu maiki para tai jun larai kora samai rokaboli kora te Sanjoy para maiki ke toh jagu para mari thishe aro tai toh IPFR supporter thakishe. Sanjoy toh itya pulaina ase. Debbarma mora khobor hona beche, etu jaga te situation toh besi beya hoikena Sunday rati te TIPRA Motha aro IPFT supporters majot te larai korishe. Etu samai, komti hoilebi, IPFT supporters khan laga 4 ghor jolai thishe.