Mizoram te African swine para 671 ghori morishe

April 14, 2021. Mizoram te African swine fever para 671 pigs morishe koishe. Indai-Bangladesh boder Mizoram Lunglei district osor Lungsen bosti te komti hoilebi 431 pigs toh African swine fever para mora khobor paishe. Bhopal te National Institute of High Security Animal Disease (NIHSAD) te samples putha beche African swine fever toh positive paishe. Itya dak Mizoram Governemnt para Lungsen bosti aro Lunglei District te Electric Veng bosti, Mamit District te Zawlnuam bosti aro Aizwal city osor Edenthar aro Armed Veng toh bemari thaka jaga ase junaishe. Lunglei district te Electric Veng bosti te 8 pig mora khobor paishe. Aizawl city osor Edenthar aro Armed Veng jaga te 116 pig morishe koishe. Etu oper te Mamit district te African swine fever para aro 117 pigs morikena ase. Bhopal te National Institute of High Security Animal Disease (NIHSAD) te samples putha toh sob positive khobor paishe koishe. Etu nemite, Tuesday din Aizawl te Animal Husbandry aro Veterinary minister, Dr K Beichhua para meeting korishe. Etu pigs mora toh lakh neshina loss hoikena ase koishe. Mizoram Government para state te African swine fever toh alert hoboli junaikena ase. Etu moina olop din akhe te Lungsen osor te hotels te 1^st pig mora toh khobor paikena thakishe, etu jaga te pig laga mongso toh besi demand te ase koishe.