April 14, 2021. India te COVID-19 cases besi othi-thaka nemite, Maharashtra Government para 15 din junta curfew junai thishe. Maharashtra te junta curfew toh April 14 (Wednesday) rati 8pm para loikena May 1 darik 7am samai dak thakibo. Maharashtra Chief Minister Uddhav Thackeray para koishe ke, state te pura lockdown hoboli besi osor te ase janaishe. Maharashtra Government para aro Section 144 junaishe, etu samai 5 jun oper manuh khan peraboli naparibo. “Emergency services toh hotai din 7am para 8pm dak kulibo”, koikena Chief Minister Uddhav Thackeray para janaishe. Maharashtra te junta curfew samai, Services aro kam ‘essential category’ pithor te thaka kulibo. Restaurants aro bars toh bondh thakibo. E-commerce goods aro services supply kula thakibo, Public transport pithor te Airplanes, trains, taxis (50% vehicle capacity), auto rickshaw (driver+2 passengers), public buses te full seat aro kara nakoribo. *Petrol pumps, financial institutions SEBI logot melikena thaka construction kam koribo. Veterinary services, animal care shelters, pet food shops kulibo. Groceries, vegetable shops, fruit vendors, dairies, bakeries, Cold storage aro warehouse services aro Diplomatic offices kula thakibo. Maharashtra junta curfew samai bondh thakiboli toh Cinema halls, theatres, swimming pools, gyms aro sports complexes, film/serials/advertisements shot kora bondh thakibo. Religious places, Barber shops, spas, salons aro beauty parlours bondh, etu oper te schools aro colleges bondh. Students kaun exam thali ase, tai khan logot ek jun manuh para loikena jabo. Aro private coaching classes bondh thakibo.
August 7, 2026
World's First and Only Nagamese Newspaper
