New Delhi: Tuesday din, Sushil Chandra toh 24th Chief Election Commissioner charge loishe aro tai para koishe, West Bengal te assembly elections jai thaka toh shanty aro aram para loboli janaishe aro konuba jaga beya te votes toh eku phui nathakina manuh khan para thiboli paribo koishe. Monday din te Mr. Chandra ke Chief Election Commissioner juna toh hoile, Sunil Arora office jarikena jaa nemite ase. Tai koishe, West Bengal te assembly election campaing thaka samai, BJP aro Trinamool Congress pithor te larai besi howa nemite Election Commission ke tuita(2) party para sawam besi korikena thakishe. Polls laga 1st 4 phase toh larai aro jamila te kotom hoishe, aro Assam te tinta(3) phase assembly polls aro Tamil Nadu, Kerala aro Puducherry te single-phase elections toh kotom hoikena ase. Itya West Bengal te 8 phase poll hoboli ase aro 5th phase toh April 17 darik te loishe. Mr Chandra para koishe, free aro fair polls nemite “atmosphere bonabo lage”. Tai ke poll panel toh kenaka jaboli ase sawal kora samai, Mr Chandra koishe, poll body khan para sai ase aro gorund te officers khan logot kotha kori ase aro etu oper te observers khan logot detail meeting kori ase janaishe. Mr Chandra ke February 14, 2019, saal Lok Sabha election akhe te election commissioner junishe aro tai toh May 14, 2022 saal dak office te thakibo. Tai laga pithor te, Goa, Manipur, Uttarakhand, Punjab aro Uttar Pradesh te Election Commission para assembly polls loboli ase. Goa, Manipur, Uttarakhand aro Punjab states te assemblies term toh aha saal March moina te kotom hoboli ase aro Uttar Pradesh assembly laga term toh aha saal May 14 darik te kotom hobo. Mr Chandra toh 1980 saal laga Indian Revenue Service batch ase. Tai toh aro February 18, 2020 saal para Delimitation Commission laga ex-officio member ase aro tai para Jammu & Kashmir Union Territory kam be sai ase. Tai toh aro Income Tax Department pithor te alag-alag post te 39 saal kam korishe. Mr Chandra ke November 1, 2016 saal te Central Board of Direct Taxes (CBDT) laga Chairman junishe. Tai para aro Mumbai aro Gujarat te Director of Investigation & Director General of Investigation te kam korikena ahishe aro etu beche etu bodu pithor te Chairman post te thakishe.
Notun Chief para Assembly polls te shanty thakibo
