Chennai: Chennai Metro Rail Limited (CMRL) para junaishe ke, Tamil New Year nemite passengers khan ke 50 per cent discount thiboli janaishe. CMRL laga statement hesab te etu offer toh Sunday din te aro government holidays thaka din te be thakibo. CMRL para aro koishe ke, Chennai Metro smartcards toh passengers nemite retail stores aro restaurants te be jolibo. Etu fesla lowa toh manuh khan logot token system hataikena smartcard system toh jolaboli thibo nemite ase. Restaurants aro retail dukan besi te CMRL para saikena ase koishe. Chennai Metro management para ek paar te 2,500 cards public kam nemite thibo, etu oper te smartcards beka manuh ke commission thiboli koishe. Etu kam jarikena CMRL para aro passengers para smartcard system jola te motob koribo nemite station sob te tai khan laga staff thakibo. Etu samai, Covid-19 bemar spread kora rokabo nemite kaun passenger para etu hokom toh namanibo CMRL para fine koribo koishe. Mask boka passengers khan ke he station pithor te ahiboli thibo aro metro station pithor te hokom namana khan ke Rs 200 fine loboli koishe. Etu fesla lowa toh hoile passenger besi para face mask nalaka nemite complaints besi powa nemite ase koishe.
Chennai Metro te New Year samai 50% discount
