New Delhi: Samajwadi Party president aro former Uttar Pradesh Chief Minister Akhilesh Yadav logot novel coronavirus positive tested thurishe koishe. SP chief para Twitter te koishe, “ami ke coronavirus positive tested paishe aro ami nejor alag jaga te thaki ase,” Yadav para janaishe. Former Uttar Pradesh chief minister para manuh khan ke koishe, kaun ami logot osor te thakishe, nejor tested koribe. “ami request kori ase, kaun manuh ami laga osor te olop din akhe thakishe, nejor COVID-19 tested koribe aro etu manuh khan olop din nemite alag jaga te bohi thakibe,” Akhilesh Yadav para Hindi te junaishe. Olop din akhe te Yadav para Akhil Bharatiya Akhada Parishad president Mahant Narendra Giri, kaun COVID-19 positive thurikena thaka tai ke lok korikena thakishe. Etu beche Giri toh Haridwar te private nursing home para olaikena All India Institute of Medical Sciences te admitted korishe aro etu samai Akhilesh para state government officials besi jun ke lok korikena ase. Olop din akhe te Yadav para koishe ke, tai laga party members khan sob anti-cornavirus vaccine toh loikena ase. January moina te tai para anti-cornavirus vaccine toh “BJP laga vaccine ase” koikena thakishe aro tai toh vaccine naloboli janaishe aro tai para doctors aro scientists khan ke kotha beya koikena ase.
