Tripura CM laga maiki Niti Deb ke Covid thurishe

April 15, 2021. Tripura chief minister Biplab Kumar Deb beche te, itya tai laga maiki Niti Deb logot Covid-19 positive thurishe. Olop din akhe te chief minister Biplab Kumar Deb aro Deputy chief minister Jishnu Debbarma logot be Covid-19 positive thurishe. Niti Deb para Facebook te tai logot Covid-19 positive thurishe koikena junaishe aro jowa saal be Niti Deb ke Covid19 positive thurishe. 8 moina pithor te Niti Deb logot Covid-19 toh tui(2) paar positive thura khobor ase. Wednesday din Tripura te 24 gonda pithor 2,083 manuh tests kora te 39 manuh logot Covid-19 bemari toh thurishe. Etu moina pithor te 377 manuh logot Covid-19 bemar thurikena ase. Tripura te itya dak sob melaikena 33,844 manuh logot Covid-19 bemari ase aro etu samai 33,117 manuh bemar bhal hoishe aro 391 manuh morikena ase koishe. 24 gonda pithor te 5 jun bemar bhal hoishe. State te active cases toh 307 hoikena ase janaishe.