Assam: Covid para 1 jun morishe 499 notun cases

April 16, 2021.Thursday din Assam te aro Covid-19 bemari para 1 jun morishe, etu melaikena 1,123 manuh morikena ase. Northeast India te sobse besi manuh mora toh Assam te ase. Thursday din Assam te Covid-19 bemar para mora toh Kamrup Metro district te thakai manuh ase. Covid19 media bulletin laga notun khobor hesab te, Thursday din Assam health & welfare department para koishe, 24 gonda pithor state te 499 notun positive cases paishe. 18,323 Covid19 tests lowa te positive cases toh thura ase. Thursday din dak te Assam laga Covid19 positivity rate toh 1.72% thakishe. Thursday din sob melaikena Assam laga alag-alag hospital para bemar bhal hoikena 85 manuh discharged hoishe. Itya dak Assam te 3,613 Covid19 active cases cases ase. Thursday din Assam te sobse besi caseload toh Kamrup Metro district te 255 notun cases paishe, Dibrugarh district te 64 cases, Kamrup Rural 31 cases aro Tinsukia district te notun 24 Covid19 positive cases paishe. Assam te itya dak 77,31,871 Covid19 tests loikena ase. Assam te 2,22,367 Covid19 positive cases registered ase aro 2,16,284 manuh discharged hoikena ase. Assam laga Covid19 recovery rate toh 97.26% ase aro manuh mora rate toh 0.51% ase. Bulletin hesab te, 1,347 Covid19 positive bemari manuh morikena ase.