Manipur HC para BJP legislator disqualify korishe

April 17, 2021. Manipur High Court para MLA Okram Henry laga election toh cancelled korishe. Tai toh Manipur assembly election 2017 saal te Wangkhei assembly constituency para elected korikena thaka ase. Thursday din single-bench of Justice MV Muralidaran para order toh passed korishe aro etu samai Yumkham Erabot Singhn para petition filed kora toh honishe, koikena khobor toh NDTV para janaishe. Singh toh BJP ticket te Congress Henry kelaaf te Assembly election contested korishe aro etu beche saffron party te joined hoishe. Singh para koishe ke, Henry toh tai laga educational qualification te mesa koishe aro 11th Manipur Legislative Assembly elections 2017 saal te tai laga affidavit te Election Commission of India logot criminal case thaka toh lukaishe. Court order para koishe ke, Election Commission logot “false affidavit” submit korikena petitioner toh 2017 elections te second-highest scorer hoishe aro 15-Wangkhei Assembly Constituency te member junishe.” 2017 saal assembly election te, Henry toh 16,753 votes paikena Singh 12,417 votes logot harai dishe. Singh para petition te koishe ke, Mr Henry toh tai laga highest educational qualification BA Punjab University para loishe koikena nomination te filed korishe, hoilebi aro tai para highest educational qualification toh Class XII Manipur Public School, CBSE para hoishe koikena 2017 election nomination te janaishe. Singh koishe ke, Mr Henry para tai logot criminal case aro narcotics case ase koikena Election Commission logot janai deya nai. Henry para 2017 election te congress ticket te contested korishe aro tai toh purana Manipur chief minister Okram Ibobi Singh laga nephew ase koishe. Jowa saal tai congress jarai toh dosura 5 jun Congress MLAs resign hoikena BJP te joined korishe. Jowa saal September moina te chief minister N Biren Singh para 6 cabinet ministers hataikena notun 5 MLAs juna te Henry toh be ekta thakishe. Henry para social welfare, cooperation aro MAHUD portfolios thurikena ase.