New Delhi: Friday din te Election Commission para janaishe ke, itya jai thaka five assemblies aro by-polls samai voters khan nemite illegal saman neshina modu aro poisa 1,000 crore oper dham thurishe koishe, etu 2016 polls samai logot 4 paar wala para besi thakishe koishe. Election Commission laga “progressive” khobor toh dosura phase te poll kotom kora beche janai thibo, itya dak sobse besi 446.28 crore toh Tamil Nadu te thurikena ase aro etu jaga te election kotom hoishe. Etu beche Bengal te Rs 300.11 crore neshina thurikena ase aro 4 phase te election loboli baki ase. Assam, Kerala aro Union Territory of Puducherry te be polling toh kotom hoishe. Etu 5 assemblies te vote counting toh May 2 darik te thakibo. Poll-panel laga field aro technical enforcement teams khan para thura toh historic milestone” kamyaab ase koishe aro etu assembly electoral samai 1st ase koishe. Union government laga agencies te Income Tax Department, Customs & GST directorates aro Financial Intelligence Unit (FIU) khan be samil ase koishe.
Thursday din laga data hesab te, Election Commission para janaishe ke, Tamil Nadu te sob melaikena 446.28 crore thurishe, West Bengal te itya dak 300.11 crore thurikena ase, Assam te 122.35 crore, Kerala te 84.91 crore aro Puducherry te 36.95 crore thurishe koishe. Etu oper te dosura saman neshina poisa, modu, drugs aro dosura saman 10.84 crore neshina dham toh by-polls samai thurishe. Etu sob melaikena thura toh 1001.44 crore ase. 2016 saal te etu eke 5 assemblies te 225.77 crore thurikena thakishe.
