Assam: SEBA para HSLC/AHM Exams 2021 nimete guidelines khan dishe

April 18, 2021. Board of Secondary Education, Assam (SEBA) para state te Covid-19 cases besi othi-thaka nemite HSLC/AHM exams 2021 nemite notun guidelines junai thishe. SEBA secretary Suranjana Senapati para Inspectors of Schools (IS) ke letter te koishe, HSLC/AHM Examination, 2021 samai COVID bemari nemite konuba important kam koriboli ase koishe. Notun guidelines hesab te, exam centre te distance neum toh jolaboli lage koishe. SEBA para exam centres te Covid hoshari neum toh exam centres te thakiboli lage. State te itya situation hesab te, SEBA para Covid-19 bemar thaka candidates nemite HSLC/AHM examinations samai alag seat arrangement koribo. Board para besi hoshari te distance neum jolaboli janaishe aro seat plan toh “X” hesab te thakibo. Candidates besi howa nemite, exam jaga toh tuita(2) kisam koribo (a) centre school toh dosura schools para 1 km thur thakibo, jodi etu nahoile, temporary ghor bonaikena weather hesab te thakibo. COVID bemari thaka candidates nemite, SEBA para inspectors of schools logot centre campus bahar te isolation jaga te bohiboli arrange koriboli koishe, aro etu kam toh local administration aro health department logot kotha korikena arrange hoboli janaishe.