Lucknow: Covid-19 cases besi othi-thaka nemite, Thursday din para loikena May 15 darik dak Uttar Pradesh te banks toh customers nemite 4 gonda kali kolibo Banks toh 10 AM para 2 PM dak kolibo, Covid-19 cases nemite ase koikena junaishe. Wednesday din State Level Bankers Committee (SLBC) pithor te via video conferencing te meeting kora samai Covid cases besi hoikena jai thaka nemite etu fesla toh bonaishe. SLBC officials para koishe ke, banks toh pithor kam nemite 4 Pm dak kolibo. State te Covid bemar halat toh saikena May 15 akhe te aro fesla loikena othaboli pareh koishe. United Forum Banks Union spokesperson, Anil Tiwari para koishe ke, “bank employees khan ke pachabo nemite etu hoshari kam fesla toh loishe.
Hotai din 50 per cent staff khan toh rotation basis te kam koribo. Thursday din para etu notun neum toh public aro private banks te soruh hoishe. State Level Bankers Committee (SLBC) toh state level body ase aro etu pithor te Uttar Pradesh te general managers aro senior employees of public aro private banks samil ase.
Add Comment