Senior Congress leader AK Walia morishe

April 22, 2021. Senior Congress leader aro former Delhi minister AK Walia toh thrusday pujur COVID-19 bemari para morishe. Walia toh Apollo Hospital, Delhi te elaj kori thakishe aro tai 72 umer te morishe koishe. Thursday 1.30 AM samai te tai morishe, koikena PTI para khobor toh janaishe. Delhi Congress president Anil Kumar para former MLA mora oper te mon dukh janaishe aro tai Apollo Hospital para mori jaishe koishe. Walia toh 4 terms MLA thakishe aro tai toh Delhi laga Legislative Assemblies te first, second, third aro fourth paar member thakishe. Walia toh Geeta Colony Assembly seat para tin(3) paar kamyaab hoishe. Tai laga 4^th Assembly term toh Laxmi Nagar Assembly seat para thakishe. Geeta Colony seat toh 2008 saal te delimitation kora beche bondh hoishe. Tai toh Sheila Dikshit’s government thaka samai minister be hoishe, etu samai Walia toh Health, Urban Development, Land & Building portfolios thuri-thakishe aro etu oper te Trans Yamuna Area Development Board laga Chairman be korishe. Walia toh New Delhi te jonom hoishe, tai toh physician thakishe aro 1972 saal te MGM Medical College para MBBS degree paishe. AAP leader aro Deputy Chief Minister Manish Sisodia para Walia mora oper te mon dukh kotha janaishe aro tai toh Delhi laga tangor politician thakishe koishe.