APR 23, 2021 :Thursday de India de 314,835 notun coronavirus cases report kura janai deshe. Single day de highest record kura ekda ase edu .Cases beshi hua nemedi, hospitals khan de medical supplies aro oxygen komdi hua janai deshe.
Fridya de China koishe ki, India ke khoda kopole mon ase edu covid keneka rokhibo barebo.
Hindustan Times ke khoda kura time de, India para Beijing khan keneka New Delhi ke motot kurebole barebo hudeshe. Chinese Foreigh Ministry para jawab kureshe ki, edu karne tai India loko khota kurebole ready ase koishe.
Thursday de , Chinese foreigh ministry spokesperson Wang Wenbin para koishe ki , edia India de eman covid cases rise hoi kena dukh pa doh jane ase aro , kiman medical supplies shortage de dukh pai ase edu jane kina ase aro tai keneka motot kurebole parebo edu karne khota kurebole mon ase koishe.
Last year, Beijing de medical supplies shortage hua time beshi countries para motot deshe aro, edu major de India bhi ekda support country ekda thakeshe koishe. Edu time India para Chine ke 15 tonnes medical supplies, masks, gloves, aro emergency medical saman deshe aro edu sop doh, 2.11 crore poisa laka deshe koishe.
