CPI(M) leader Sitaram laga bacha morishe

NEW DELHI: Thursday din te CPI(M) laga General Secretary Sitaram Yechury para koishe ke, tai laga sobse tangor chokra Ashish toh COVID-19 bemari logot tui(2) hafta neshina larai kori thakina bemari para toh morishe koishe. “ami besi mon dukh as eke khobor janai thiboli, ami laga sobse tangor chokra Ashish Yechury toh aji pujur COVID-19 bemar para mori-jaishe. Ami kaun khan para tai oper te besas thakina elaj korishe- doctors, nurses, frontline health workers, sanitation workers aro kaun khan para dukh samai motob thishe, etu khan sob logot dunyawad kori ase,” Sitaram para koishe. Ashish (34) umer toh Gurgaon’s Medanta Hospital te admitted hoikena thakishe aro tai bemar toh bhal hoi thakishe, hoilebi, ajanak para Thursday 5.30 mora nemite ghor manuh khan sob asorit hoishe. Ashish mori-jowa khobor honikena besi political leaders khan para mon dukh kora khobor junai thishe.