National

Justice NV Ramana notun Chief Justice junaishe

April 24, 2021
12 Views

New Delhi: Aji pujur Justice NV Ramana toh 48th Chief Justice Of India hoboli kosom korishe. President Ram Nath Kovind para Delhi Rashtrapati Bhavan te Covid restrictions thaka nemite horu ekta Justice NV Ramana nemite kosom kora samai loishe. Justice SA Bobde, jowa kali Chief Justice te retired hoishe,tai laga farewell te Justice Ramana para koishe, “ami khan itya Covid wave samai testing jai-ase. Lawyers, judges aro court staff sob virus lakina ase. Konuba tangor kam korile he etu bemari toh rokabo paribo. Ami khan sob melikena kam korile etu bemari toh kamyab hobo.”Dosura challenge ekta aro Justice NV Ramana para kowa toh the top court te 6 vacancies toh fill koriboli laki. Justice SA Bobde’s thaka samai, top court te ekta judge be appointed kora nai koishe. Justice Ramana, toh 63 umer ase aro tai toh Andhra Pradesh laga Krishna district te agricultural family te jonom paishe. Tai toh India laga sobse tangor judge thakibo aro tai laga samai toh 1 saal aro 4 moina,  August 26, 2022 saal dak thakibo. Tai toh Andhra Pradesh para tuita(2) wala Chief Justice of India ase. Justice K Subba Rao toh 9th Chief Justice of India,  1966 par 67 dak korishe. Tai laga jevan te, Justice Ramana para High Court of Andhra Pradesh, central & Andhra Pradesh Administrative Tribunals aro Supreme Court of India in civil, criminal, constitutional, labour, service aro election kam nemite kam korikena ahishe. Tai toh aro constitutional, criminal, service aro inter-state river laws te specialized ase”,  koikena Supreme Court laga official website te profile hesab te janaishe. Tai ke June 27, 2000 saal te Andhra Pradesh High Court te permanent Judge junishe aro Andhra Pradesh High Court te March 10, 2013 para loikena to May 20, 2013 saal dak acting Chief Justice korishe. Tai ke aro 2013 saal Delhi High Court te Chief Justice othishe aro 2014 saal te top court te judge thakishe. Jammu & Kashmir te Internet suspend hoikena thaka samai, bench para kelaaf kora te tai be samil thakina jodi para Internet service thiboli koishe.