Ganga Ram Hospital te 24 gonda pithor 25 jun morishe

April 24, 2021. Delhi’s Sir Ganga Ram Hospital te 24 gonda majot te oxygen komti howa nemite 25 Covid bemari manuh morishe koishe. Khobor hesab te aro 60 manuh khan besi risk te ase. Oxygen komti howa nemite morishe bapana te ase koikena khobor aro janaishe. “itya ami khan laki thaka toh oxygen toh thik samai bapoli laki,” etu khobor  toh SGRH Chairman Dr. DS Rana para koishe. Central Delhi hospital te 500 oper coronavirus bemari manuh admitted hoikena ase aro etu oper te 150 jun neshina toh oxygen motob laki ase koishe. “Ventilators aro BiPAP machines toh bhal para kam nakorina ase. 60 jun laga jevan toh besi tangor risk te ase,” koikena senior officials para hospital te koishe. Hospital authorities para ICU te aro emergency department te manual ventilation motob thiase, officials para koishe. Thursday rati te, hospital officials para government logot SOS deya te koishe ke, health care facility te oxygen toh kali 5 gonda nemite pachikena ase, etu nemite joldi para kam koriboli lage. “8 pm te oxygen toh kali 5 gonda nemite ase aro etu 1 am samai kotom hoi jabo, oxygen supplies toh urgent ase,” koikena officials para koishe. Hospital te oxygen toh 12.30 am samai paishe, hoilebi stock toh besi thakiboli laki koishe. “tanker para tui(2) oxygen tones ahi thaka toh Ambedkar Hospital osor te pasikena ase,” khobor para janaishe. City te Private hospitals te be oxygen komti howa toh 4 din neshina jai-ase. Konuba hospital para Delhi government logot bemari manuh khan toh dosura health care facilities te transfer koriboli koishe.