Hong kong para May 3 dak flights suspend

New Delhi:  May 3 darik dak Hong Kong laga flights India logot connect thaka toh suspended koribo, India te COVID-19 cases besi othi-thaka nemite ase, koikena Sunday aviation industry para janaishe. Khobor para aro koishe ke, Hong Kong government para Pakistan aro Philippines te jai thaka flights toh be olop din nemite suspended korishe koishe. Etu moina tuita(2) Vistara flights te 50 passengers logot COVID-19 positive tested thura nemite Hong Kong government para fesla toh loishe. Hokom hesab te, kaun passengers Hong Kong te ahiboli mon ase, tai khan logot COVID-negative RTPCR result toh 72 gonda laga  journey samai thakiboli lage koishe. Sunday din, Hong Kong government para Vistara flights Mumbai-Hong Kong rasta toh May 2 darik dak suspend korishe koikena junai thishe. Sunday din te Vistara”s Mumbai-Hong Kong flight te tin(3) jun manuh logot COVID-19 positive tested thura nemite etu fesla toh loishe. Sunday din dak te, April 4 darik te Vistara”s Delhi-Hong Kong flight te sob melaikena 47 passengers logot COVID-19 positive tested toh Hong Kong te thurihe. Delhi-Hong Kong rasta laga Vistara”s flights toh puila be April 6 para April 19 dak bondh thakishe. Vistara para PTI’s statement request kora toh jawab deya nai koishe. India te 1 din pithor te coronavirus bemari toh 2,61,500 te othishe, etu nemite itya India te sob melaikena 1,47,88,109 hoishe aro active cases toh 18-lakh oper jaishe, koikena Sunday din Union Health Ministry laga data updated hesab te janaishe. Etu oper te 1,77,150 manuh morikena ase aro 8am dak update hesab te 1,501 notun mora khobor ase.