April 25, 2021. Kokrajhar district administration para Central Institute of Technology (CIT) laga tuita(2) post graduate boys hostels te tin(3) jun ke Covid-19 positive thura nemite sealed korishe. Hostel pithor toh district administration para containment zone janai thishe. Diploma aro degree students khan ke olop din akhe hostel jarikena jaboli koikena thakishe, hoilebi masters aro PhD scholars khan bohi thakishe. Hostel te positive cases thura beche students khan olaishe. Tinta(3) students logot positive tested thura toh tai khan olop din akhe West Bengal para aha laga ase koishe. Khobor para koishe, hoshari nemite CIT authority pithor te Dean Student Affairs aro NSS Programme Coordinator para loikena CIT Covid Respond Team bonaishe koishe. Campus pithor te manuh aha-jowa nemite besi strict para kam toh jai-ase. Campus pithor te hotai samai sanitize koriboli janaishe aro administrative building laga entry jaga sob te hand sanitizers thakiboli janaishe. Etu samai, classes sob toh online mode te loboli koishe aro non-teaching staffs khan pithor te tuita(2) groups bonaikena alternate din te office attend koriboli janaishe.
