Tripura government para night curfew aro othaishe

May 3, 2021. May 4 darik (Tuesday) 6 PM para 5 AM dak 20 urban bodies pithor te ‘Corona Night Curfew’ toh aro extended korishe. Sunday sam te media logot kotha kora samai, tripura education minister Ratanlal Nath para koishe, “Tripura te COVID-19 cases besi otha nemite state government para state te ‘Corona Night Curfew’ toh 20 urban bodies te 6 pm para 5 am dak aro othaboli fesla loishe.” Tripura te 20 urban bodies pithor te Agartala Municipal Corporation, 13 Municipal Councils aro 6 Nagar Panchayats samil ase. “April 25 darik te sob melaikena 98 manuh ke positive thurishe, April 26 darik te 111 jun ke thurishe, April 28 darik te 166 manuh ke positive thurishe, April 29 darik te 141 thurishe, April 30 darik te 173 thurishe aro Mau 1 darik te 247 manuh ke positive cases thurishe. Etu nemite, state government aro konuba fesla bonaishe aro etu fesla toh joldi te kam koriboli lage,” tai para janaishe. Minister para koishe, Agartala aro dosura municipal councils jaga aro Nagar Panchayat jaga te rathi curfew samai putli kora toh virus pheli thaka toh rokaboli nemite kam koribo. “Tuesday din para guideline aro restrictions toh junaikena kam soruh koribo. State taskforce chairman aro chief secretary Manoj Kumar para detailed guidelines toh janai thibo,” koikena Nath para koishe. Tai para aro koishe ke, government office samai toh be putli korishe aro notun samai toh 10 am para 4 pm dak hoishe. Nath koishe, “non-gazetted employees khan toh ghor te bohibo aro office toh 50% capacity te manuh kam koribo. Jodi etu samai emergency hoile, employees khan ke phone korikena office te ahiboli lakibo.” Minister para koishe, Monday din te chief secretary para order issue korikena AMC jaga dunkandar aro government offices te Covid-19 tests toh loboli janaishe. State te government hospital aro care centres laga halat saikena, Nath para koishe, government para joldi 100 MBBS doctors aro 100 nurses toh contract hesab te appoint koribo aro guidelines hesab te kam koribo. Etu oper te government para aro 100 dosctors neshina ke regular scale te TPSC hesab te appoint koriboli janaishe.