May 2, 2021. State Assembly elections laga tinta(3) phase te votes count koriboli laga akhe din te Assam Police para arms thurishe koishe. Saturday din te Assam Police para arms toh Diglipar forest jaga pithor Ultapani forest reserve, Assam’s Kokrajhar district para paishe koishe. Etu arms pithor te tinta(3) AK-56 rifles, 1 magazine aro AK-56 rifle laga 65 goole thakishe. Saturday sam te Kokrajhar SP office te media logot kotha kora samai, Special DGP aro in-charge of Bodoland Territorial Region (BTR) LR Bishnoi para koishe, “bantok aro goole thaka laga khobor powa nemite, aji pujur Diglipar forest jaga te bantok aro gooli toh paishe.” “itya dak etu connection te kaun manuh be thura nai,” tai janaishe. Etu samai, Karigaon jaga osor Srirampur, Kokrajhar para 18 umer ek jun ke bank te poisa chor kora nemite thurishe. Kokrajhar superintendent of police Rakesh Roushan para koishe, etu chokra toh Class 10 te ase aro tai logot dosura 4 jun manuh para April 26 darik te Srirampur laga Bandhan Bank te poisa chor korishe koishe. “etu manuh khan para gunpoint te Rs 5 lakh lootishe. Etu chokra hath te ekta pistol paishe,” koikena Kokrajhar SP para khobor toh janaishe. Khobor hesab te, jowa saal etu chokra toh Class 10 final exam te failed hoishe.
