DIBRUGARH: Saturday din te Assam Chief Minister Sarbananda Sonowal para itya laga halat saboli nemite Assam Medical College & Hospital (AMCH) visit korishe aro state laga COVID-19 cases toh be saishe. “ami khan AMCH authority logot itya thaka laga ICU facilities nemite kotha korishe. Assam Medical College & Hospital (AMCH) te 80 ICU facilities ase. COVID-19 bemari halat saikena aro dosura 25 ICU facilities toh joldi te kuliboli ase. Ami khan sob melikena COVID-19 logot larai koribo aro etu virus logot kamyaab hobo. Ami AMCH te doctor, nurse aro laboratory technician khan sob logot tai khan mon thikena kam kori thaka nemite besi kushi junai ase,” koikena Sonowal para reporters logot koishe. Sonowal para aro Assam Medical College & Hospital (AMCH) te notun tuita(2) oxygen plants kulai toh be saishe aro ekta plant para oxygen toh 100 jumbo cylinders neshina bonaboli ase janaishe. Assam Medical College & Hospital (AMCH) te, ek din te 120-140 jumbo cylinders jolai ase aro etu oxygen toh bemari manuh logot direct pipeline para supply koribo. Baki dosura oxygen 60 -70 jumbo cylinders toh emergency samai jolaboli rakibo. Assam Medical College & Hospital (AMCH) hesab te, oxygen plants toh October 2020 saal para soruh hoishe aro etu Union Government pithor te etu saal January 1 darik te soruh hoishe. Chief minister para visit kora samai doaura manuh khan toh Dibrugarh MLA Prashanta Phukan, AMCH principal Dr Sanjib Kakoti aro senior doctors thakishe.
