Jorhat Union Bank toh containment zone hoishe

May 5, 2021.Upper Assam laga Jorhat district te COVID-19 bemar para aro 1 jun manuh morishe, etu melaikena Jorhat te 83 manuh mora khobor hoishe. Jorhat Deputy Commissioner, Roshni A Korati para koishe ke, district te COVID bemar para aro 80 umer Bhadai Bora, Chengaliati jaga te thaka morishe, tai melaikena district te 83 jun morishe. Tuesday din, Garali te Union Bank laga 5 jun  employees logot virus positive thura nemite containment zone junaishe. Tuesday din Jorhat district te sob melaikena 124 manuh logot positive thurishe, etu melaikena positive cases toh 13,943 hoishe aro positivity per cent toh 7.95 te ase. DC Korati para koishe, district pura te sob melaikena 1558 tests lowa te 1489 toh  RAT aro baki toh RT-PCR test loishe. Tai aro koishe, 124 positive thura pithor te 100 cases toh RAT para thura ase aro RT-PCR aro 24 thurishe. Deputy Commissioner para koishe, district te sob melaikena active cases toh 652 ase aro Tuesday din te  13133 manuh discharged hoishe. Etu samai, Tuesday din te aro Majuli te 5 positive cases thura khobor thakishe. Majuli district administration official para koishe ke, district te 516 RAT te lowa toh 5 positive cases paishe aro 23 RT-PCR tests lowa te positive cases eku thaka nai. Official para koishe, Tuesday din dak district te 55 active cases ase aro 818 manuh logot vaccine thishe.