May 6, 2021. COovid-19 bemari thaka samai lower Assam manuh khan logot khobor phal ekta toh flight service Rupso Airport para Guwahati aro Kolkata dak toh May 8 darik para pera soruh koribo koishe. Khobor hesab te, notun ola airlines“FLYBIG” toh Northeast jaga te May 8 darik para kam kora soruh hobo aro etu flight service toh Rupsi, Guwahati aro Kolkata Airports logot connect thakibo. Olop din thaka beche dosura Northeast states te be perabo koishe. Wednesday din Flybig Airlines toh Rupsi Airport te trial kora kamyaab hoishe. Kokrajhar Police para tai khan laga social media te lekishe ke, “akas toh sapa hoishe, besi din para roka toh hoishe, Airport toh soruh hoboli ase.” Rupsi Airport toh World War –II samai bona ase aro etu airport toh 38 saal beche aro kam soruh koribo ase. Lower Assam te Rupsi Airport te revival kam toh kotom hoboli 14 moina loishe aro kotom beche 1 saal hoishe. Airport Authority of India (AAI) Engineers Guild para koishe, jowa saal New Delhi te Engineering Day, Excellent Services in Engineering celebration programme thaka samai Rupsi Airport ke ‘Sir Visvesvaraya Award’ thishe. May, 24, 2018 saal te, Airports Authority of India (AAI) para Rupsi airport toh “Bhumi Puja” korikena kam soruh korishe. Airports Authority of India para airport toh civil aro defense operations nemite bonai thishe koishe. Airport laga jaga toh Indian Air Force (IAF) nemite besi faita ase, keli koile etu jaga para Bangladesh, Myanmar aro China osor ase aro lower Assam te air base ekta be thaka nai. Guwahati te Lokpriya Gopinath Bordolai International Airport aro Siliguri te Bagdogra International Airport, etu tuita(2) airport toh be Rupsi Airport para 270 km neshina ase koishe.
Add Comment