Dibrugarh te Zaloni tea estate containment zone ase

DIBRUGARH: Dibrugarh district administration para Zaloni tea estate toh containment zone ase koikena junaishe aro etu garden toh bondh korishe. Wednesday din etu jaga te 90 workers aro staff members logot COVID-19 positive thurishe. Tengakhat Circle Officer aro Health Department laga Medical Inspector of Plantations aro officials khan ke garden te jaikena halat saboli janaishe. Garden hospital aro tuita(2) staff quarters kali thaka toh ek paar nemite positive bemari manuh nemite isolation centres bonaikena ase. District Surveillance Officer IDSP, Dr Nabajyoti Gogoi para koishe ke, garden jaga te vaccination drive aro dosura kam neshina sanitization kam soruh koribo. Khobor hesab te, tea-based organizations khan para kam kora nemite aro etu osor jaga te thaka manuh nemite  vaccine demand korishe. “ami khan para government ke tea estate te vaccination drive jaboli koishe, hoilebi government para garden osor te thaka manuh nemite vaccination programme toh deya nai. Puila logot itya COVID-19 second wave toh besi kara wala ase. Etu nemite tea garden jaga te COVID cases besi nahowa akhe te government logot vaccination drive soruh hoboli koi ase,” koikena ATTSA leader para janaishe.