Sikkim Govt: May 6 para partial lockdown junaishe

GANGTOK: Sikkim government para Sikkim te COVID virus phelai rokabo nemite May 6 darik para partial lockdown thakibo fesla korishe. Home Department laga order hesab te lockdown toh May 6 darik para 16, 2021 dak thakibo aro etu samai alag-alag restrictions besi koribo. Restrictions pithor te dari pera bondh koribo aro dosura states para aha manuh bondh thakibo, inter-district pera mana koribo, rathi samai 5 pm para 9 am dak curfew thakibo aro government offices aro PSUs toh May 16, 2021 dak bondh thakibo janaishe. Hoilebi, etu restrictions te army & security personnel, commercial transportation, health department, police & fire services aro medical emergencies nemite bondh nakoribo. Etu services toh puila neshina jai thakibo, hoilebi, dukan, aro dosura saman beka sob order hesab te bondh thakibo. Commercial buildings and bazaar toh Saturday aro Sunday bondh thakibo. Dosura din te dunkan toh 10 am para 4 pm dak kula thakibo.